Magnum Force

Magnum Force
Títol	Magnum Force
Póster d'a cinta.
Ficha tecnica
Dirección	Ted Post
Dirección artistica	Jack T. Collis
Producción	Robert Daley
Guión adaptau	John Milius Michael Cimino
Basau en	una historia de John Milius sobre personaches creyaus por Harry Julian Fink y R.M. Fink
Musica	Lalo Schifrin
Soniu	James R. Alexander Sergio Reyes Edwin J. Somers Jr. Dan Wallin
Fotografía	Frank Stanley
Montache	Ferris Webster
Escenografía	John Lamphear
Maquillache	Joe McKinney
Peluquería	Shirley Dolle
Efectos especials	Sass Bedig Stanley Amborn Jim Aupperle Ernie Smith
Casting	Nessa Hyams
Actors	Clint Eastwood Hal Holbrook David Soul Tim Matheson Kip Niven Robert Urich Felton Perry Mitchell Ryan Margaret Avery Bob McClurg John Mitchum Albert Popwell Clifford A. Pellow Richard Devon Christine White Tony Giorgio Maurice Argent Jack Kosslyn Bob March Adele Yoshioka
Color	Panavision Technicolor
Datos y cifras
País(es)	Estaus Unius
Anyo	1973
Estreno	13 d'aviento de 1973 Londres (Reino Uniu) 25 d'aviento de 1973 Estaus Unius
Chenero(s)	Cine policiaco Cine d'intriga Cine d'acción
Durada	123 min.
Idioma(s)	Anglés
Companyías
Productora(s)	The Malpaso Company
Distribución	Warner Bros.
Recauto	44,6 millons de dólars
Succesión de cintas
Precedida por	Dirty Harry (1971, Don Siegel)
Succedida por	The Enforcer (1976, James Fargo)
Informacions en bases de datos especializadas:

Magnum Force (títol orichinal en anglés, en aragonés Fuerza Magnum, estrenada en Aragón con o títol en castellano de Harry, el fuerte, en aragonés Harry, lo fuerte) ye una cinta de cine estausunidense de cine policiaco d'intriga d'acción estrenada l'anyo 1973, dirichida por Ted Post seguntes un guión adaptau por John Milius y Michael Cimino (basau en una historia de John Milius sobre los personaches creyaus por Harry Julian Fink y R.M. Fink), con una banda sonora orichinal de Lalo Schifrin, una dirección de fotografía de Frank Stanley y una producción cinematografica de Robert Daley ta la productora cinematografica The Malpaso Company. Conta con un elenco formau por Clint Eastwood, Hal Holbrook, David Soul, Tim Matheson, Kip Niven, Robert Urich, Felton Perry, Mitchell Ryan, Margaret Avery, Bob McClurg, John Mitchum, Albert Popwell, Clifford A. Pellow, Richard Devon, Christine White, Tony Giorgio, Maurice Argent, Jack Kosslyn, Bob March y Adele Yoshioka, entre d'atros actors.

Ye la segunda cinta d'a serie de cintas Dirty Harry, dimpués de Dirty Harry (1971, Don Siegel) y que continó con The Enforcer (1976), Sudden Impact (1983) y The Dead Pool (1988), y en ella se conta cómo Carmine Ricca ye absuelto en un chudicio por un tecnicismo legal pero nomás que marcha d'o chuzgau en una limusina un achent de Policía de San Francisco que viacha en motocicleta atura lo vehiclo y mata a toz os suyos ocupants. L'inspector de policía Harry Callahan se presenta con o suyo companyero en a escena d'o crimen, pero lo suyo superior, lo tenient Neil Briggs fa lo posible ta mantener-lo luent d'a investigación de l'asasinato. Callahan conoix a cuatre chóvens achents, Phil Sweet, John Davis, Alan "Red" Astrachan y Mike Grimes, toz cuatre con un perfil bien pareixiu: aficionaus a las armas, buens tiradors y bien entrenaus. Simultaniament, un atro policía en bicicleta irrumpe en una fiesta en una piscina y mata a bels atros delincuents. Bien luego, cuan un proxeneta asasina a una prostituta, ye tamién asasinau por un policía en motocicleta y Callahan para cuenta de que se tracta d'un autentico policía y no de bel un que fa servir un disvraz, y sospeita de Charlie McCoy, un policía a qui conoix. Tanimientres, cuan o policía d'a motocicleta mata a un capo d'a droga, tamién mata a MacCoy, a qui troba casualment en o suyo camín, y como lo primer policía en plegar casi immediatament en a escena d'o crimen ye Davis, Harry prencipia a sospeitar d'él.

Magnum Force s'ambienta en a suya epoca actual (1973) en a ciudat de San Francisco en California y las suyas escenas se filmoron en ixa mesma ciudat y en Oakland, Richmond y Tiburon (California).

Se tracta d'una cinta que ha recibiu bels premios y nominacions, encara que garra d'éls no fa parte d'ospremios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1973.
• Cintas de 1973.

Vinclos externos

• (en) Magnum Force en Internet Movie Database.
• (en) Magnum Force en CM Movie.
• (en) Magnum Force en l'American Film Institute Catalog de l'American Film Institute.

• Datos: Q458852